Горад майстроў
вачамі Аляксея Галаскока
Вышыванка
Нітачкі тонкія і каляровыя
Дружаць з іголкай здаўна.
Не наглядзецца на кветкі вясновыя,
Пах іх чуваць з палатна.
Лозапляценне
Пруцік лазовы ў спрытныз руках
З “братам” сваім уладкаваўся.
Кошык з узорам на белых баках
Лёгкім, прыгожым удаўся.
Саломка
З саломы, падобнай бурштыну,
Птушка шчасця ў руках ажыла.
Частку сэрца свайго жанчына,
Не шкадуючы, ёй аддала.
З паперы
Возьмеш у рукі,
Глядзіш – і не верыш:
Як гэта можна зрабіць?
Быццам жывая з кавалкаў паперы,
Вішня ля плоту стаіць.
Ганчарства
З гліны збанок круглабокі
Выляпіў важны ганчар.
Помняць нястомныя рукі
Дзедам пакінуты дар.
Ткацтва
Кросны лякочуць,
Жанчына стараецца
Выткаць прыгожы ручнік.
Пеўнікі сонцу на ім усміхаюцца,
Хмаркаў вядуць пералік.
Пра песні
Калі мы песні заспяваем,
Яны ляцяць з зямлі да неба.
У іх край любы ўслаўляем
– Ён нас гадуе, корміць хлебам.
